განათლება,მთავარი,სიახლეები

მასწავლებლის კომპეტენციის დასადასტურებელი განმეორებითი გამოცდა ნოემბერში დაიწყება

18.09.2019 • 1466
მასწავლებლის კომპეტენციის დასადასტურებელი განმეორებითი გამოცდა ნოემბერში დაიწყება

 შეფასებისა და გამოცდების ეროვნული ცენტრის ინფორმაციით, 17 სექტემბერს დასრულდა რეგისტრაციისთვის განკუთვნილი დრო პრაქტიკოსი მასწავლებლებისა და მასწავლებლობის მსურველებისათვის. დარეგისტრირდა 26 600 – ზე მეტი აპლიკანტი.

წელს პრაქტიკოს მასწავლებლებსა  და მასწავლებლობის მსურველებს მეორედ მიეცათ კომპეტენციის დადასტურების შესაძლებლობა.

ცენტრის ინფორმაციით, პედაგოგობის მსურველ პირს მხოლოდ საგნის გამოცდის ჩაბარება შეუძლია, პრაქტიკოს მასწავლებელს  კი უფლება აქვს დაადასტუროს როგორც საგნობრივი, ისე პროფესიული კომპეტენციები.  საგამოცდო პროცესის დაწყება ნოემბერში იგეგმება.

„პრაქტიკოსმა მასწავლებლებმა უნდა გაითვალისწინონ, რომ ხელახალი ტესტირებისას მიღებული შედეგები (ანუ საგნობრივი და პროფესიული კომპეტენციის ყოველი შემდგომი დადასტურება) აუქმებს იმავე საგანში  საგნობრივი და პროფესიული კომპეტენციის დადასტურებისას წინა ჯერზე მიღებულ შეფასებასა და შესაბამის კრედიტქულებს,“- ნათქვამია ცენტრის განცხადებაში.

გადაბეჭდვის წესი


ასევე: