რა დროს დასვენებაა? – აქცია გორის მერის განცხადების გამო, რომელიც გონიოში ისვენებს


მას შემდეგ, რაც სოფელ გუგუტიანთკარში, ანტისაოკუპაციო მოძრაობის – „რუსეთი ოკუპანტია“ წარმომადგენლები არ შეუშვეს, მოძრაობის წევრებმა გორის მერიასთან გადაინაცვლეს.

აქცია #სირცხვილიას მონაწილეები გუგუტიანთკარში მიმდინარე უკანონო, ე.წ. ბორდერიზაციის პროცესსა და რუსულ ოკუპაციაზე გორის მერის, კონსტანტინე თავზარაშვილის განცხადებას ქალაქის მერიასთან აპროტესტებენ.

გორის მერმა დღეს ონლაინგამოცემა qartli.ge-სთან საუბარში თქვა, რომ შვებულებაშია, გონიოში ისვენებს და გუგუტიანთკარში დასვენების შემდეგ ჩავა.

აქცია გორის მერიასთან  ფოტო: თავისუფლებისთვის – For Freedom

დღეს, 16 აგვისტოს, 20-მდე აქტივისტი ქართველმა სამართალდამცველებმა სოფელ მერეთთან არსებულ საგუშაგოსთან გააჩერეს და გუგუტიანთკარში არ შეუშვეს. აქტივისტებმა საპატრულო პოლიცია გამოიძახეს.

შინაგან საქმეთა სამინისტროში შეზღუდვას უსაფრთხოების ზომებით ხსნიან და ამბობენ, რომ მხოლოდ ადგილობრივი ტელევიზიებისა და საერთაშორისო მედიის შეშვება გადაწყდა.

ნეტგაზეთის მასალების სხვა გამოცემებში გადაბეჭდვის წესი
ავტორი