გომარდულში მოხალისეებისთვის ბანაკი მოეწყო


ავტორი: მარიამ მუთიძე

„თავისუფალ ჟურნალისტთა სახლის“ მოხალისეებისთვის 2-4 აგვისტოს შუახევში, კურორტ გომარდულში, საზაფხულო ბანაკი მოეწყო.

 საზაფხულო ბანაკის მიზანი იყო ახალგაზრდების ცნობიერების ამაღლება ადამიანის უფლებების ძირითადი საკითხების შესახებ, სამოქალაქო აქტივიზმის მნიშვნელობისა და საჭიროების გააზრება; თავისუფალი აზრის გამოხატვისა და საჭირო უნარ-ჩვევების გამომუშავება.

 პირველ დღეს მშვიდობის კორპუსის მოხალისე ქენდალ დობინსი მონაწილეებს ესაუბრა ადვოკატირებაზე. საღამოს გაიმართა ფილმის – „დამალული ფიგურების“ ჩვენება და დისკუსია. 

ფილმის ჩვენება და დისკუსია საზაფხულო ბანაკში

  ბანაკის მეორე დღეს ბათუმის ამერიკული კუთხის კოორდინატორი მამუკა საფარიძე უძღვებოდა. მისი ძირითადი სასაუბრო თემები შეეხებოდა ტოლერანტობასა და განსხვავებების პატივისცემას, სემინარი დატვირთული იყო სახალისო აქტივობებით.

 მესამე დღის ძირითადი თემა არაფორმალური განათლება და დეზინფორმაციასთან ბრძოლა იყო.

მონაწილეებმა  სხვადასხვა პრაქტიკული  სავარჯიშო შეასრულეს, გაეცნენ  ყალბ ინფორმაციასა და დეზინფორმაციასთან ბრძოლის  საკითხებს.

 მონაწილეებისთვის შედგენილი იყო მრავალფეროვანი პროგრამა, საგანმანათლებლო კომპონენტის მიღმა მათ ჰქონდათ საშუალება სპორტულ ღონისძიებებში ჩაბმულიყვნენ და ერთმანეთი სხვადასხვა სიტუაციური თამაშებით უკეთ გაეცნოთ. საღამოობით კი ფილმის  ჩვენებები იმართებოდა.

 საზაფხულო ბანაკის მხარდამჭერები: 

„მშვიდობის, დემოკრატიის და განვითარების კავკასიური ინსტიტუტი“; „ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამა (PITA); ბიზნესმენი მიხეილ გელაძე; შ.პ.ს. „ბაკურის“ დამფუძნებელი ნონა ბაკურიძე; შ.პ.ს „გალტამი“; ბიზნესმენი გოჩა ირემაძე.

 

ნეტგაზეთის მასალების სხვა გამოცემებში გადაბეჭდვის წესი
ავტორი