„ენერგო-პრო ჯორჯია“: ხელვაჩაურში ელექტროენერგიის სრულად აღდგენაზე ჯგუფი მუშაობს


ხელვაჩაურში რამდენიმე სოფელს ელექტროენერგია არ მიეწოდება. აბონენტების ზუსტი რაოდენობა, თუ რამდენი ოჯახია შუქის გარეშე დარჩენილი, „ ენერგო-პრო ჯორჯიამ“ ვერ მოგვაწოდა.

ელექტროენერგია ხელვაჩაურის სოფლებში გუშინ, 4 აგვისტოს, ღამით, წვიმის გაძლიერებისთანავე გაითიშა და აღდგენა მას შემდეგ ვერ ხერხდება.

კომპანიაში შეფერხების მიზეზად უამინდობით გამოწვეულ ავარიებს ასახელებენ. პრესსამსახურის ინფორმაციით, სპეციალისტების ჯგუფი ხარვეზების აღმოფხვრაზე ამ დრომდე მუშაობს. ზოგიერთ სოფელში ელექტროენერგიის მიწოდება აღდგენილია, დარჩა მხოლოდ ჭარნალის თემის სოფლები. ერთ-ერთი აბონენტის ინფორმაციით, ელექტროენერგია არ მიეწოდება, ასევე, სოფელ ზანაქიძეებს.

ნეტგაზეთის მასალების სხვა გამოცემებში გადაბეჭდვის წესი
ავტორი