მთავარი,სიახლეები

ხელოვნების უნივერსიტეტის სკვერში 200-მდე ხეს დარგავენ

31.07.2019 • 1913
ხელოვნების უნივერსიტეტის სკვერში 200-მდე ხეს დარგავენ

ბათუმში, ზუბალაშვილის ქუჩაზე, ხელოვნების უნივერსიტეტის მიმდებარედ გაშენებული ახალი სკვერი ოფიციალურად ხვალ, პირველ აგვისტოს გაიხსნება.

პარკის გახსნაზე, როგორც მერიაში „ბათუმელებს“ უთხრეს, 200-მდე ხე-მცენარის დარგვაა დაგეგმილი. „დაირგვება როგორც წიწვოვანი, ასევე, ფოთლოვანი ნარგავები, მათ შორის კალისტემონი, ტუია, როდოდენდრონი და მაგნოლია“, – გვითხრეს მერიაში.

პარკის გახსნაზე დაუკრავს ბათუმის ჯაზ-ბიგ-ბენდი.

სკვერის მშენებლობა ზუბალაშვილის ქუჩაზე გასულ წელს დაიწყო, მის მოსაწყობად ქალაქის ბიუჯეტიდან 1 375 451 ლარი იყო გამოყოფილი. ტერიტორიის ფართობი, სადაც სკვერი მოეწყო, 3 518 კვ.მეტრია. სკვერში ფუნქციონირებს შადრევანი და საპირფარეშო.

ახალი სკვერის გახსნა საღამოს 21:00 საათზეა დაგეგმილი.

 

 

გადაბეჭდვის წესი


ასევე: