ბათუმის მერიის საქალაქო ინფრასტრუქტურისა და კეთილმოწყობის სამმართველომ ბათუმში, ხელოვნების უნივერსიტეტსა და ზუბალაშვილის ქუჩას შორის არსებულ ტერიტორიაზე სკვერის მოსაწყობად ტენდერი გამოაცხადა. ახალი სკვერის მოსაწყობად ქალაქის ბიუჯეტიდან 1 375 451 ლარი გამოიყოფა.
ტერიტორიის ფართობი, სადაც სკვერი მოეწყობა, 3 518 კვ.მეტრია. სკვერში მოეწყობა შადრევანი და საპირფარეშო.
ტენდერის პირობების მიხედვით, სკვერის მოწყობა ხელშეკრულების გაფორმებიდან 180 დღეში უნდა დასრულდეს. წინადადებების მიღება 2018 წლის 5 დეკემბერს დაიწყება და 10 დეკემბერს შეწყდება.
სკვერი მერიის მიერ შესყიდული ესკიზის მიხედვით გაკეთდება.
ბათუმის მერიამ ზუბალაშვილის, ასათიანისა და თავდადებულის ქუჩების მიმდებარე ტერიტორიაზე ახალი სკვერის მოწყობა მიმდინარე წლის 18 ოქტომბერს დააანონსა.
ამ თემაზე:
https://batumelebi.netgazeti.ge/news/164008/
