სად გაითიშება შუქი ხვალ ბათუმში და აჭარის სხვა მუნიციპალიტეტებში


ხვალ, 18 ივლისს, დილის ექვსის ნახევრიდან დილის რვა საათამდე შუქი გაითიშება ბათუმში: ლერმონტოვის, ბაგრატიონის, შ. ხიმშიაშვილის, ოძელაშვილის, გრიბოედოვის, ტურგენევის  და მიმდებარე ქუჩებზე. „ენერგო-პრო ჯორჯიას“ ინფორმაციით, ელექტროენერგიის მიწოდება ასევე შეიზღუდება აფსაროსის გზატკეცილზე, მირიან მეფის ქუჩასა და აეროპორტის დასახლებაში – დილის 11-დან საღამოს 6 საათამდე.

ელექტროენერგიის მიწოდება დღისით რამდენიმე საათით შეიზღუდება ასევე ქობულეთში: მ.აბაშიძის, ფიროსმანის, გაგარინის, ქიაჩელის, ხაბაზის და მიმდებარე ქუჩებზე, ასევე რკინიგზის სადგურის მიმდებარე ტერიტორიაზე, სოფლებში ქვედა და ზედა აჭყვაში, საჩინოში, კვირიკესა და ბობოყვათში.

დილის თერთმეტიდან საღამოს ექვს საათამდე შუქის გარეშე დარჩება ხელვაჩაურის სოფლები: ზედა და ქვედა ჯოჭო, ერგე, დაბა ხელვაჩაურის ნაწილი, ავგია, თხილნარი, ჭარნალი და მიმდებარე სოფლები, ასევე გონიოს და ახალსოფლის დასახლებები.

ელექტროენერგიის მიწოდება შეიზღუდება შუახევისა და ხულოს მუნიციპალიტეტებშიც დილის 11-დან საღამოს 6 სთ-მდე. შუქი გაითიშება შუახევის რამდენიმე სოფელში: ჯაბნიძეებში, წაბლანაში, ცინარეთში, სამოლეთში, უჩამბასა და მიმდებარე სოფლებში, დაბა შუახევის ნაწილში, ასევე, ხულოს სოფლებში: თაგოში, ჩაოში, ბეშუმში, მთა ვერხვნალსა და მიმდებარე ტერიტორიაზე.

„ენერგო-პრო ჯორჯიას“ ინფორმაციით, აბონენტთა ენერგომომარაგება სამუშაოების დასრულებისთანვე ჩვეულ რეჟიმში აღდგება.

ნეტგაზეთის მასალების სხვა გამოცემებში გადაბეჭდვის წესი
ავტორი