მთავარი,სიახლეები

თავდაცვის სამინისტრო სარესტორნო მომსახურებისთვის 5 თვეში 300 000 ლარს გადაიხდის

09.07.2019 • 1014
თავდაცვის სამინისტრო სარესტორნო მომსახურებისთვის 5 თვეში 300 000 ლარს გადაიხდის

საქართველოს თავდაცვის სამინისტრო 2019 წლის აგვისტოდან დეკემბრის თვის ჩათვლით პერიოდში, სარესტორნო მომსახურებისთვის 300 ათასამდე ლარს გადაიხდის. საზოგადოებრივი კვების მომსახურება გათვალისწინებულია ადგილობრივი და უცხოელი სტუმრებისთვის თბილისსა და საქართველოს სხვა რეგიონებში, სტუმრების ადგილმდებარეობის მიხედვით.

საზოგადოებრივი კვების [სარესტორნო] მომსახურების შესყიდვის მიზნით სამინისტრო ფასთა გამოკითხვას [ბაზრის კვლევას] ახორციელებს. პრეტენდენტებს კი შეუძლიათ თავიანთი ინტერესი 16 ივლისის ჩათვლით გამოხატონ.

სამინისტროს ინფორმაციით, გამარჯვებულად გამოვლინდება ის კომპანია, რომელიც სამინისტროს შესთავაზებს საზოგადოებრივი კვების ობიექტებთან საშუამავლო მომსახურების უმცირეს პროცენტს.

შესყიდვის სავარაუდო ჯამური ღირებულება 300 000 ლარია. სახელშეკრულებო ღირებულებაში კი შევა როგორც საზოგადოებრივი კვების ობიექტის მომსახურების ღირებულება, ასევე მიმდინარე ბაზრის კვლევაში გამარჯვებული კომპანიის მომსახურების პროცენტიც.

 

გადაბეჭდვის წესი


ასევე: