30 000 და 40 000-ლარიან პროექტებს მერია მოქალაქეების ხმის მიცემით შეარჩევს


პროექტის ფარგლებში „შენი იდეა ბათუმს“ მერიაში 34 განაცხადი შევიდა, ბათუმის მერის მრჩეველთა საბჭომ აქედან ათი პროექტი შეარჩია, მათ შორის სამ გამარჯვებულს კი სპეციალური ვებგვერის, idea.batumi.ge საშუალებით მოქალაქეები გამოვლენენ.

შერჩეული ათი პროექტი ვებგვერდზე უკვე განთავსებულია და დაწყებულია ხმის მიცემაც. ამავე ვებგვერდზე იმ პროექტების გაცნობაცაა შესაძლებელი, რომლებიც ათეულში ვერ მოხვდნენ.

შერჩეული იდეების განხორციელებისთვის ავტორები 30  000 – 40 000 ლარს ითხოვენ, ჯამში პროექტის ბიუჯეტი 120 000 ლარია. შერჩეული იდეები ძირითადად ჯანსაღი ცხოვრების პოპულარიზაციასა და  ტურისტული ინფრასტრუქტურის გაუმჯობესებას ითვალისწინებს.

მოქალაქეთა ჩართულობის ამ ფორმის დასანერგად ბათუმის მერიასთან არასამთავრობო ორგანიზაცია „სამოქალაქო საზოგადოების ინსტიტუტმა“ ითანამშრომლა, რომლის ბათუმის ორგანიზაციის ხელმძღვანელიც მრჩეველთა საბჭოს წევრი ნათია აფხაზავაა.

 

ბათუმის მერია მოქალაქეების იდეებს 120 000 ლარით დააფინანსებს – ახალი პროექტი

 

შენი იდეა ბათუმს -მრჩეველთა საბჭომ ათი პროექტი გამოავლინა, ათიდან სამს მოქალაქეები ელეტრონულად გამოავლენენ

ნეტგაზეთის მასალების სხვა გამოცემებში გადაბეჭდვის წესი
ავტორი