ბათუმის ბულვარი „გედების ტბის“ რეკონსტრუქციას გეგმავს


ბათუმის ბულვარის ზოოკუთხეში არსებული ტბის რეკონსტრუქციისთვის და ახალი აუზის მოსაწყობად „ბათუმის ბულვარს“ 281 409 ლარი აქვს გათვალისწინებული.

ძველ ბულვარში არსებული ე.წ. გედების ტბის სარეკონსტრუქციო, სარემონტო და სამშენებლო სამუშაოები ეტაპობრივად განხორციელდება და 2019 წლის 16 ნოემბრამდე უნდა დასრულდეს.

  • პირველი ეტაპი – გედების ტბის ახალი აუზის მოწყობის სამუშაოები – ხელშეკრულების გაფორმებიდან სამოცი კალენდარული დღის ვადაში;
  • მეორე ეტაპი – გედების ტბის არსებული აუზის სარეკონსტრუქციო სამუშაოები – 2019 წლის 15 სექტემბრიდან 2019 წლის 15 ნოემბრის ჩათვლით პერიოდში.

შესაბამის მომსახურებას ბულვარის ადმინისტრაცია ელექტრონული ტენდერით შეისყიდის, სადაც წინადადებების მიღება 2019 წლის 27 აპრილს დაიწყება და 30 აპრილს დასრულდება.

შესრულებული ყველა სახის სამუშაოს ხარისხის საგარანტიო ვადა საბოლოო მიღება-ჩაბარების აქტის გაფორმებიდან  სამი წლითაა განსაზღვრული.

არსებული გედების ტბის რეაბილიტაცია / ფოტო საპროექტო დოკუმენტიდან

საპროექტო გედების ტბის რეაბილიტაცია / ფოტო პროექტიდან

ბათუმის ბულვარის ზოოკუთხე 2006 წლიდან ფუნქციონირებს:

ნუ დაუყრით ფრინველებს მზესუმზირას და ბატიბუტს

 

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com