დააგემოვნეთ „ბათუმარანში” ბორანო და სხვა აჭარული კერძები პირველი ივნისიდან


ადუღებულ კარაქში ჩამდნარ ყველს ცხელი მჭადის კვერებთან ერთად მიირთმევენ. დარბილებული ყველი და ცხელი კარაქი ერთგვაროვან მასად იქცევა და ნაზად იწელება.

ეს აჭარაში განთქმული, სტუმრიანობისა და ოჯახური სადილების პირველი კერძია – ბორანო. მისი მომზადების წესსა და ტრადიციას ცოტა ხნის წინ არამატერიალური კულტურული მემკვიდრეობის ძეგლის სტატუსი მიენიჭა.

ამ კერძის მომზადების ავთენტურ რეცეპტს „ბათუმარანის“ დახელოვნებული მზარეული გვთავაზობს:

მასალად საჭიროა მთის დაწნული, უცხიმო აჭარული ყველი და კარაქი, იგივე იაღი, როგორც მას აჭარაში უწოდებენ.

ყველი აუცილებლად ცხიმმოხდილი უნდა იყოს, ბორანოსთვის იდეალურია ცოტათი დაძველებული, ნაკლებმარილიანი ყველი, თუმცა სიძველისგან სიმწარე არ უნდა ეპარებოდეს. კარაქი ნაღების სჯობს. როგორც მზარეული გვეუბნება, საუკეთესოა გაზაფხულზე ახალდამზადებული, კაიმაღისგან (ნაღებისგან) მიღებული „შერეკილი“ კარაქი.

ბორანოს მოსამზადებლად სულ რაღაც 10 წუთია საჭირო. დაწნულ ყველს ვჭრით და ვათავსებთ ემალის, სპილენძის ან მინის ცეცხლგამძლე ჭურჭელში. ვასხამთ მდუღარე წყალს, ცოტა ხნით ვაჩერებთ და გადავწურავთ. იმავეს ვიმეორებთ ორჯერ ან სამჯერ, იმის მიხედვით, თუ რამდენად მარილიანია ყველი.

ცეცხლზე ვადნობთ კარაქს მანამ, სანამ არ წამოდუღდება და მუქ ოქროსფერს არ მიიღებს. მნიშვნელოვანია, რომ კარაქი არ გაშავდეს და ზედმეტად არ დაიწვას, ასეთ შემთხვევაში ბორანო გამწარდება. ადუღებულ კარაქს ვასხამთ დარბილებულ ყველს და ცხლად მიგვაქვს სუფრასთან. ბორანო ასევე ცხლად უნდა მიირთვათ მჭადთან ერთად. ეს აუცილებელი პირობაა, რადგან ცხელ კარაქში ყველი უნდა დნებოდეს და იწელებოდეს.

ნამდვილი ბორანოს დასაგემოვნებლად თუ აჭარის მთებში წასვლას ვერ ახერხებთ, მთიდან ჩამოტანილი პროდუქტებით მომზადებულ ამ უგემრიელეს კერძს „ბათუმარანში“ დააგემოვნებთ.

ყველა ინგრედიენტი, რაც აჭარული კერძებისთვისაა საჭირო, საგანგებოდ ირჩევა მთაში და „ბათუმარანის“ სამზარეულოში უგემრიელეს არომატებად იქცევა.

გასინჯეთ ბორანო „ბათუმარანში“, რესტორანში, სადაც პირველი ივნისიდან მრავალფეროვანი აჭარული სამზარეულოს კერძებს დააგემოვნებთ.

 


ვიდეოში გამოყენებულია VIP – GEORGIA -ს სარესტორნო ჭურჭელი. მის.: ბათუმი, დ. თავდადებულის N11

ნეტგაზეთის მასალების სხვა გამოცემებში გადაბეჭდვის წესი
ავტორი