5 მარტს, დაახლოებით 00:30 საათზე, აჭარაში მომხდარი მიწისძვრის გამო სამაშველო სამსახურში გამოძახება არ შესულა.
მიწისძვრის ეპიცენტრი ქობულეთში, სოფელ ალამბართან დაფიქსირდა. ალამბრის ადმინისტრაციულ ერთეულში მერის წარმომადგენლის, გურამ გოგიტიძის თქმით, მიწისძვრას ნგრევა არ მოჰყოლია.
სეისმური მონიტორინგის ცენტრის ცნობით, ბიძგების სიმძლავრე 4 მაგნიტუდას შეადგენდა.
