თურქული მედიის ცნობით, თურქეთში, ბალიქესირის პროვინციაში, 10 აგვისტოს 6.1 მაგნიტუდის მიწისძვრა მოხდა.
ბოლო ცნობებით, მიწისძვრის შედეგად 81 წლის ქალი დაიღუპა, მისი ცხედარი ნანგრევებში იპოვეს, მიწისძვრის შედეგად 29 ადამიანი დაშავდა.
მიწისძვრის ეპიცენტრი 11 კილომეტრის სიღრმეზე იყო.
მიწისძვრის შედეგად ბალიქესირში რამდენიმე შენობა ჩამოინგრა.
მედიის ცნობით, მიწისძვრა ასევე იგრძნობოდა იზმირში, სტამბოლში, მანისაში და სხვა რეგიონებსა და ქალაქებში.
