Batumelebi | 332 ათასი ლარი ბათუმის ბოტანიკურ ბაღში ნეკერჩხლების პარტერის მოსაწყობად 332 ათასი ლარი ბათუმის ბოტანიკურ ბაღში ნეკერჩხლების პარტერის მოსაწყობად – Batumelebi
RU | GE  

332 ათასი ლარი ბათუმის ბოტანიკურ ბაღში ნეკერჩხლების პარტერის მოსაწყობად

ბათუმის ბოტანიკური ბაღი ნეკერჩხლების პარტერის მოწყობას გეგმავს, რისთვისაც ბიუჯეტში 332 ათასი ლარი აქვს გათვალისწინებული.

ნეკეჩხლების პარტერი მწვანე კონცხის მხრიდან გაკეთდება, მოეწყობა ტერიტორია [დეკორატიული ფილები, განათება, სკამები], აშენდება სალაროს შენობა, სადაც ელექტროავტობუსების ბილეთები გაიყიდება, იქნება პატარა კაფეც.

ბათუმის ბოტანიკურ ბაღში ნეკერჩხლების პარტერის მოწყობა ტენდერში გამარჯვებულთან ხელშეკრულების გაფორმებიდან 76 კალენდარულ დღეში უნდა დასრულდეს. ტენდერში წინადადებების მიღება 2019 წლის 14 მარტს დაიწყება და 19 მარტს შეწყდება.

ბათუმის ბოტანიკური ბაღი ქალაქ ბათუმის მერიის ა[ა]იპ-ია. ბოტანიკური ბაღი ფინანსდება როგორც ბათუმის ბიუჯეტიდან, ასევე მას აქვს საკუთარი შემოსავლები შესასვლელი ბილეთების, ნერგების და სხვა საქონელისა და მომსახურების რეალიზაციიდან.

ნეკერჩხლების პარტერი ბათუმის ბოტანიკურ ბაღში / რენდერი სატენდერო დოკუმენტებიდან

ბათუმის ბოტანიკური ბაღი. ადგილი სადაც ნეკერჩხლების პარტერი უნდა მოეწყოს / სატენდერო დოკუმენტებიდან

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com