შაბათს, 12 ოქტომბერს, 13:00 საათზე, ბათუმის ბოტანიკური ბაღის გიორგი გაბრიჩიძის სახელობის ზღვისპირა პარკში ღონისძიება – „ნოტები შემოდგომიდან“ გაიმართება.
12 ოქტომბერს საქართველოს მოქალაქეებისათვის ბაღში შესვლა უფასო იქნება.
ბოტანიკური ბაღის ცნობით, „ნოტები შემოდგომიდან“ წელს ბოტანიკური ბაღის გეგმურ ღონისძიებათა სიაში შევიდა საქართველოს ტრადიციული მეღვინეობა-მევენახეობის დარგის კიდევ უფრო პოპულარიზაციისა და ცნობადობის ამაღლების მიზნით, და ამასთან, ბაღის ვიზიტორთა მზარდი ინტერესიდან გამომდინარე.
ღონისძიებაში 30-ამდე კერძო პირი და ორგანიზაცია მონაწილეობს.
