ბათუმის მერია პლაჟზე უნებართვოდ განთავსებული ობიექტების მეპატრონეებს ობიექტების დემონტაჟის შესახებ აფრთხილებს.
მერიის ცნობით, ობიექტების მეპატრონეებმა გაფრთხილებები უკვე მიიღეს. მათ სამი დღის ვადაში ობიექტის დემონტაჟი და ტერიტორიის გათავისუფლება უნდა უზრუნველყონ.
მერიის ცნობით, მოთხოვნის შეუსრულებლობის შემთხვევაში, მერიის შესაბამისი სამსახური თავად განახორციელებს ობიექტების დემონტაჟსა და ტერიტორიიდან გატანას, მეპატრონის მიმართ კი კანონით გათვალისწინებული ღონისძიებები გატარდება.
