ფეისბუქმა სამი რუსული გვერდი დაბლოკა


Facebook-მა სამი არხი: Soapbox-ი, Back Then-ი და Waste-Ed-ი დაბლოკა. ფეისბუქგვერდები CNN-ის რეპორტაჟის ეთერში გასვლის შემდეგ დაიბლოკა, რეპორტაჟის თანახმად კრემლი ამ არხებზე პროპაგანდისტული ვიდეობის გადაღებას აფინანსებს.

CNN-ის თანახმად, დაბლოკილი გვერდები გერმანულ კომპანია Maffick Media-ს ეკუთვნის, კომპანიის 51%-ის მფლობელი რუსული არხი RT-ია, ამ უკანასკნელს კი კრემლის პროპაგანდისტული მედიაჰოლდი Russia Today ფლობს.

„არ გვსურს დავაბნიოთ ჩვენი პლატფორმის მომხმარებლები იმ ძალების საშუალებით, ვინც ამ გვერდების უკან დგას. გასულ წელს ჩვენ გავამკაცრეთ ბრძოლა მონეტიზაციაზე ორიენტირებული, არასანდო კონტენტისა და სპამების შემცველი გვერდების წინააღმდეგ.

ვმუშაობთ დიდ აუდიტორიებზე გათვლილი გვერდების ახალ ალგორითმზე, რომლის მიხედვითაც აუცილებელი გახდება იმ ქვეყნის ან ქვეყნების მითითება, საიდანაც ეს გვერდები იმართება.

ფუნქცია ფეისბუქზე ჯერ ხელმისაწვდომი არ არის, ამიტომ ვაპირებთ მივმართოთ დიდი გვერდების ადმინისტრატორებს, რომ მიუთითონ დამატებითი ინფორმაცია მათი მმართველი ამა თუ იმ  კომპანიის შესახებ“ – აცხადებს ფეისბუქის წარმომადგენელი Euronews – ისთვის მიცემულ ინტერვიუში.

ნეტგაზეთის მასალების სხვა გამოცემებში გადაბეჭდვის წესი
ავტორი
თამარ ნერგაძე არის "ბათუმელების" რეპორტიორი 2017 წლის ოქტომბრიდან