ხანძარი ხულოში


ხულოს მუნიციპალიტეტის სოფელ გუდასახოში, თამაზ ნათიძის სახლის ეზოში, დამხმარე ნაგებობა დაიწვა. როგორც სოფელში მერის წარმომადგენელმა ვაჟა თავართქილაძემ „ბათუმელებს“ უთხრა, ხანძარი სათავსოში გაჩნდა. 

„ბოსელი მთლიანად დაიწვა. ასევე, შინაური ცხოველების საკვები და სამეურნეო ინვენტარი, რომელიც ოჯახს ბოსლის ქვეშ ჰქონდა განთავსებული“.

სოფელ გუდასახოში სათავსო და შინაური ცხოველების საკვები დაიწვა.

ვაჟა თავართქილაძის ინფორმაციით, ხანძრის შედეგად არ დაშავებულან შინაური ცხოველები, „არც სახლში მცხოვრებლებს ემუქრებათ საფრთხე. სახანძრო სამსახურმა დროულად მიიღო ზომები და საცხოვრებელ სახლზე ცეცხლი არ გადასულა,“ – ამბობს ვაჟა თავართქილაძე.

ხანძარი დღეს, დაახლოებით 13:30 საათზე გაჩნდა.

ხანძარი ხულოში

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com