საქსტატის მონაცემებით, ზოგიერთი მედიკამენტი ისევ გაძვირდა. გაძვირება, ძირითადად, შეეხო ტკივილგამაყუჩებელ მედიკამენტებს, ანტიბიოტიკებსა და ვიტამინებს. გაძვირდა ანთების საწინააღმდეგო წამლებიც. თუმცა ფასების მატება მხოლოდ ამ მედიკამენტებზე არ ასახულა.
„ბათუმელები“ გთავაზობთ სამი დასახელების მედიკამენტს, რომელთა ფასებიც სექტემბრის შემდეგ შეიცვალა:
მაგალითად, სექტემბრის თვეში ერთი ფლაკონი კეტონალი [25 კაფსულა] ღირდა 4.85 ლარი. დღეს ეს მედიკამენტი 5.65 ლარი ღირს.
ლაზოლვანის ყიდვა სექტემბერში შესაძლებელი იყო 10.94 ლარად, ამ მედიკამენტის ფასი დღეისათვის 11.38 ლარს აღწევს.
1.53 ლარით გაძვირდა კიდევ ერთი მედიკამენტი – ლოქსიდოლის ყიდვა სექტემბერში შეიძლებოდა 23.83 ლარად, ახლა ამ მედიკამენტის ფასი 25-26 ლარამდეა გაზრდილი.
ფასების მატება, სავარაუდოდ, ლარის კურსს უკავშირდება.
