სიახლეები

ყირიმზე მინიმუმ 3 რუსული თვითმფრინავი დავაზიანეთ – უკრაინის საჰაერო თავდაცვა

02.02.2024 • 4011
ყირიმზე მინიმუმ 3 რუსული თვითმფრინავი დავაზიანეთ – უკრაინის საჰაერო თავდაცვა

რუსეთის მიერ ოკუპირებულ ყირიმში, ბელბეკის აეროდრომზე, უკრაინის საჰაერო თავდაცვის ძალების თავდასხმის შედეგად დაზიანდა სულ მცირე სამი თვითმფრინავი – ამის შესახებ უკრაინის შეიარაღებული ძალების საჰაერო ძალების სპიკერმა იური იგნატმა განაცხადა.

„ამის საუკეთესო დადასტურება, რა თქმა უნდა, არის სატელიტური სურათები, რომლებიც უკვე არის ინტერნეტში და სადაც შეგიძლიათ ნახოთ“ – თქვა იგნატმა.

მანამდე უკრაინის თავდაცვის ძალების საკოორდინაციო პრესცენტრის ხელმძღვანელმა ნატალია გუმენიუკმა ასევე განაცხადა, რომ რუსებმა აღიარეს, რომ აეროდრომს ხუთი რაკეტა მოხვდა.

ამავე დროს, რუსეთის თავდაცვის სამინისტრომ განაცხადა, რომ 31 იანვრის საღამოს ჩამოაგდეს 17 მართვადი რაკეტა შავი ზღვის თავზე და 3 – ყირიმზე.

აეროდრომზე თავდასხმის შესახებ ინფორმაციას უკრაინის შეიარაღებული ძალების საჰაერო ძალების მეთაური, ნიკოლაი ოლეშჩუკიც გამოეხმაურა ტელეგრამზე. მან აღნიშნა, რომ ბელბეკის აეროდრომი ერთ-ერთი უკრაინული ბრიგადის ბაზაა.

„უკრაინელი ავიატორები აუცილებლად დაბრუნდებიან სახლში თავიანთ აეროდრომზე. ახლა კი მადლობას ვუხდი ყველას, ვინც შეუერთდა ყირიმის გაწმენდას რუსებისგან“ – თქვა მან.

________________

ფოტოზე: კადრი ტელეგრამში გავრცელებული ვიდეომასალიდან

გადაბეჭდვის წესი


ასევე: