ბათუმში 17 ნოემბერს, 16:00 საათზე, ტოლერანტობის საერთაშორისო დღესთან დაკავშირებით, სასტუმრო „ჰილტონის“ საკონფერენციო დარბაზში გაიმართება საინფორმაციო შეხვედრა/დისკუსია თემაზე – „რელიგია და ტოლერანტობა“.
დისკუსიის მომხსენებლები არიან:
- არარატ გუმბალიანი, სომხური სამოციქულო ეკლესიის მღვდელი
- რუსუდან გოცირიძე, ევანგელისტურ-ბაპტისტური ეკლესიის ეპისკოპოსი
- პადრე გაბრიელე ბრაგანტინი, ბათუმის კათოლიკური ეკლესიის ვიკარი
- ტარიელ ნაკაიძე, ქართველ მუსლიმთა კავშირის თავმჯდომარე
- ეთო გვრიტიშვილი, ადამიანის უფლებების სწავლებისა და მონიტორინგის ცენტრის (EMC) იურისტი
დისკუსიის მოდერატორი იქნება ეთერ თურაძე, გაზეთ „ბათუმელების“ მთავარი რედაქტორი.
დისკუსია იმართება „თავისუფალ ჟურნალისტთა სახლის“ პროექტის – „მულტიკულტურული ინტეგრაცია აჭარაში“ ფარგლებში. პროექტის მიზანია აჭარის მუნიციპალიტეტებში სხვადასხვა ეროვნული უმცირესობის კულტურული თავისებურებების წარმოჩენა და სხვადასხვა ეთნიკური თუ რელიგიური ჯგუფის ინტეგრაცია თანამედროვე სოციუმში.
მთავარ ფოტოზე: ია ფრანგიშვილის ილუსტრაცია
