სიახლეები

რას განიხილავენ კლიმატოლოგთა და ბალნეოლოგთა საერთაშორისო კონგრესზე ბათუმში

31.10.2018 • 1336
რას განიხილავენ კლიმატოლოგთა და ბალნეოლოგთა საერთაშორისო კონგრესზე ბათუმში

ბათუმში კლიმატოლოგთა და ბალნეოლოგთა რიგით 71-ე საერთაშორისო კონგრესი ტარდება, რომლის ორგანიზატორიც ბალნეოლოგიისა და კლიმატოთერაპიის მსოფლიო ფედერაციაა. კონგრესის თემა ჯანმრთელობის ახალი ალგორითმები, ტურიზმის განვითარება და მდგრადობაა.

კონგრესზე განიხილება ისეთი საკითხები, როგორიცაა ბალნეოთერაპიის [წყლით მკურნალობა] როლი ჯანდაცვის ეროვნულ სისტემაში, ტექნოლოგიური გადაიარაღების აუცილებლობა, ადამიანური რესურსების რაციონალური გამოყენება, მეთოდოლოგიური ცვლილებები  კვლევების წარმოებაში, მონაცემთა შეგროვება და დამუშავება, ახალი მიდგომები სტუმრის მიღება-განთავსებისას, კვება და ა.შ.

კონგრესი მოიცავს საქართველოს თერმული ცენტრების (წყალტუბო, კოკოტაური) მონახულებასაც, ასევე, ვიზიტს ბათუმის ბოტანიკურ ბაღსა და ბუნებრივ მღვიმეებში.

ღონისძიება მსოფლიო ფედერაციის ორაგნიზებით ტარდება და მასში 38 ქვეყნის წარმომადგენელი მონაწილეობს. კონგრესი ოთხ ნოემბერს დასრულდება. კონგრესზე პრეზენტაციების სახით წარდგენილია სხვადსხვა ქვეყნის კლიმატოლოგიური და ბალნეოლოგიური რესურსები.

აჭარა კლიმატოლოგთა და ბალნეოლოგთა მსოფლიო ფედერაციის წევრი 2017 წელს გახდა.

გადაბეჭდვის წესი


ასევე: