მთავარი,სიახლეები

ბათუმის საზღვაო აკადემია პრესტიჟული საერთაშორისო ფორუმის მასპინძლად აირჩიეს

16.10.2018 • 12549
ბათუმის საზღვაო აკადემია პრესტიჟული საერთაშორისო ფორუმის მასპინძლად აირჩიეს

ბათუმის საზღვაო აკადემია 2020 წელს საერთაშორისო საზღვაო სასწავლებლების ასოციაციის რიგით 21-ე გენერალურ ასამბლეას (IAMU) უმასპინძლებს. ინფორმაცია ამის შესახებ დღეს, 16 ოქტომბერს, გახდა ცნობილი. 

“მოვიგეთ! საზღვაო უნივერსიტეტების საერთაშორისო ასოციაციის გენერალური ასამბლეა და ფორუმი 2020-ში ბათუმში ჩატარდება საზღვაო აკადემიის ორგანიზებით. ეს წარმატების მწვერვალია, 9 პრეტენდენტთა შორის მთელი მსოფლიოდან ჩვენ გავიმარჯვეთ. ვულოცავ ყველას,”-  წერს ბათუმის საზღვაო აკადემიის რექტორი ირაკლი შარაბიძე საკუთარ ფეისბუქ გვერდზე.

საზღვაო უნივერსიტეტების საერთაშორისო ასოციაციის გენერალური ასამბლეა 1999 წელს შვიდმა საზღვაო უნივერსიტეტმა დაარსა და მას შემდეგ ყოველწლიურად იმართება. წელს ფორუმის მასპინძელი ბარსელონას საზღვაო ტექნოლოგიური უნივერსიტეტი იყო და მას მსოფლიოს 65 წამყვანი უნივერსიტეტის წარმომადგენლები ესწრებოდნენ. სწორედ ბარსელონაში გადაწყდა, რომ 2020 წელს ასამბლეას ბათუმის საზღვაო აკადემია უმასპინძლებს.

ბათუმის საზღვაო აკადემიას კონკურენციას 9 საზღვაო უნივერსიტეტი უწევდა.

საზღვაო უნივერსიტეტების საერთაშორისო ასოციაციის გენერალური ასამბლეა ბარსელონაში ფოტო: ბათუმის საზღვაო აკადემია

 

 

გადაბეჭდვის წესი


ასევე: