სარფის საბაჟო გამშვებ პუნქტზე დღეს, 16 ოქტომბერს, მომხდარ ინციდენტთან დაკავშირებით, თურქეთის გენერალური საკონსულო ბათუმში წერილობით კომენტარს აკეთებს, რომელსაც სტილის დაცვით გთავაზობთ:
„ქალბატონის მოთხოვნის საფუძვლიანობის შესწავლისა და თავიანთი სიმართლის დამტკიცების შემთხვევაში, საჭირო ზომების გასატარებლად, დაინტერესებულმა პირმა უნდა მოგვმართოს განცხადებით, სადაც მითითებული უნდა იქნას ინციდენტის დრო და ადგილი.
აღნიშნულ საკითხთან დაკავშირებული ნებისმიერი განაცხადი გადაეცემა თურქეთის კომპეტენტურ ორგანოებს და მთელი სერიოზულობით განიხილება. სასაზღვრო გამშვები პუნქტის ბევრ ადგილას ვიდეო კამერების საშუალებით მონიტორინგი ხორციელდება და ჩანაწერების მეშვეობითაც ხდება ამ პრეტენზიის შესწავლა“.
მოქალაქე ნათია შავაძემ განაცხადა, რომ მას თურქი მესაზღვრე უხეშად მოექცა და საზღვრის კვეთის უფლება ჯერ მისცა, შემდეგ კი პასპორტი იძულებით წაართვა.
ამავე თემაზე:
