„მომავალი წლიდან ქალებს პირველად მიეცემათ საშუალება, საზღვაო მაშველები გახდნენ”, – აცხადებს შალვა ხუციშვილი, საგანგებო სიტუაციების მართვის სამსახურის უფროსის მოვალეობის შემსრულებელი. შალვა ხუციშვილის ამ განცხადებას სამაშველო სამსახური ფეისბუქგვერდზე აქვეყნებს.
საგანგებო სიტუაციების მართვის სამსახურის პრესსამსახურში გვითხრეს, რომ ქალ მაშველებზე შეზღუდვა არც აქამდე ყოფილა, მაგრამ სამსახური უპირატესობას კაცებს ანიჭებდა.
საგანგებო სიტუაციების მართვის სამსახური სპეციალური კამპანიის წამოწყებას გეგმავს იმისთვის, რომ ქალებმა საზღვაო მაშველობაზე დაინტერესება გამოხატონ.
„განიხილება ასევე დამატებითი ბენეფიტის მიცემა ქალი მაშველებისთვის,“ – აცხადებენ საგანაგებო სიტუაციების მართვის სამსახურში.
