2018-2019 სასწავლო წელს ბათუმის სახელმწიფო უნივერსიტეტში [ბსუ] 1313 პირველკურსელი ჩაირიცხა, რაც ბსუ-ს ინფორმაციით, გასული წლის მაჩვენებელთან შედარებით, ექვსი პროცენტით მეტია. აბიტურიენტთა პირველი განაცხადებით, 2017 წელთან შედარებით, ბათუმის სახელმწიფო უნივერსიტეტზე მოთხოვნა 10%-ით გაიზარდა, ჯამური განაცხადით – 15%-ით.
ბსუ-ს სამართალმცოდნეობის პროგრამა საქართველოს უმაღლესი საგანმანათლებლო დაწესებულებების ყველაზე მოთხოვნადი პროგრამების ხუთეულშია, ხოლო სამართალმცოდნეობის პროგრამების მოთხოვნადობის მიხედვით – პირველ ადგილზე.
გარდა ამისა, ბსუ-ს ინფორმაციით, უნივერსიტეტი აბიტურიენტთა მოთხოვნის მიხედვით, საქართველოს არაპროფილური უმაღლეს საგანმათლებლო დაწესებულებების ხუთეულშია:
აბიტურიენტების საერთო განაცხადების მიხედვით, ბათუმის შოთა რუსთაველის სახელმწიფო უნივერსიტეტი 2222-მა აბიტურიენტმა პირველ პრიორიტეტად დაასახელა.
ბსუ-ს მოთხოვნადი პროგრამების ათეულშია:
?სამართალმცოდნეობა
?საერთაშორისო ურთიერთობები
?მედიცინა
?ფსიქოლოგია
?მენეჯმენტი
?ფინანასები
?ქართული ფილოლოგია
?ტურიზმი
?ისტორია
?ეკონომიკა
?ბიოლოგია
