ბათუმის მერიის ინფორმაციით, დღეს, 31 აგვისტოს და ხვალ, პირველ სექტემბერს, „ბათუმობის“ დღესასწაულთან დაკავშირებით დაგეგმილი ღონისძიებების უსაფრთხოდ და ორგანიზებულად ჩატარების მიზნით, ძველი ბათუმის რამდენიმე ქუჩაზე პარკირება და სატრანსპორტო მოძრაობა შეიზღუდება.
- დღეს, 31 აგვისტოს, პარკირება შეიზღუდება ზ. გამსახურდიას, ხულოს, მაზნიაშვილისა და კოსტავას ქუჩებს შორის არსებულ მონაკვეთში (გორგასლის, ფარნავაზ მეფის და ჟორდანიას ქუჩებზე).
- პირველ სექტემბერს ამავე მონაკვეთში შეიზღუდება სატრანსპორტო მოძრაობა 08:00-დან 19:00 საათამდე.
- პირველ სექტემბერს, 09:00-დან 12:00 საათამდე, მოძრაობა შეიზღუდება მემედ აბაშიძის ქუჩაზე, ვაჟა-ფშაველასა და ზ. გამსახურდიას ქუჩებს შორის არსებულ მონაკვეთში.
პირველ სექტემბერს, 08:00-დან 19:00 საათამდე პარკირება და სატრანსპორტო მოძრაობა შეიზღუდება ქუთაისის ქუჩაზე, კოსტავასა და ჟორდანიას ქუჩებს შორის არსებულ მონაკვეთში.
