ნეტგაზეთი • RU

რუსეთში ფესტივალზე მუსიკოსები მილიტარიზმის პროპაგანდის გამო მონაწილეობაზე უარს ამბობენ

ჟურნალ esquire-ის რუსული გამოცემის ინფორმაციით, რუსეთში როკ-მუსიკის ერთ-ერთ ყველაზე მასშტაბურ  ფესტივალზენაშესტვიე, რომელიც 3-5 აგვისტოს გაიმართება, რამდენიმე ჯგუფი მონაწილეობაზე უარს ამბობს,.ამის მიზეზი ფესტივალში რუსეთის თავდაცვის სამინისტროს ჩართულობაა.

ჯგუფებმა “პოშლაია მოლი” [Пошлая Молли], “ელიზიუმი” [Элизиум], “პორნოფილმი” [Порнофильмы], “დისტემპერი” [Дистемпер] და “იორშ”-მა [Йорш] თავიანთი გადაწყვეტილება იმით ახსნეს, რომ ფესტივალის ორგანიზატორებმა გადაწყვიტეს გააგრძელონ თანამშრომლობა რუსეთის ფედერაციის თავდაცვის სამინისტროსთან, მიუხედავად იმისა, რომ რამდენიმე თვის წინ თქვეს, რომ ამას არ იზამდნენ. დღეს ფესტივალში მონაწილეობაზე უარი თქვა კიდევ ერთმა ახალგაზრდა შემსურლებელმა “მანეტოჩკამ”  [Монеточка].

ჯგუფი “ელიზიუმის” წევრები, სოციალურ ქსელში გაკეთებულ განცხადებაში ამბობენ, რომ მათთვის მთავარი პირობა იყო ფესტივალის ტერიტორიაზე მილიტარიზმის პროპაგანდის არარსებობა, კერძოდ „ფესტივალი ტანკების, ჯარში გამწვევი განყოფიებებისა და თავდაცვის სამინისტროს სხვა ექსპოზიციების გარეშე“ – წერს “ელიზიუმი”.

„ივნისის დასაწყისში ორგანიზზატორებმა ეს ყველაფერი დაგვიდასტურეს და ჩვენც დავთანხმდით მონაწილეობაზე, დღეს ორგანიზატორების ბოდიშებთან ერთად, მოვიდა სხვა ინფორმაცია – თავდაცვის სამინსიტრო მაინც საქმეშია, ტექნიკის ზონითა და ჯარში გამწვევი პუნქტით…

ამ სიტუაციაში, მონაწილეობაზე უარის თქმა – ერთადერთი შესაძლო ვარიანტია ჯგუფი ელიზიუიმისთვის… პაციფიზმი და ანტიმილიტარიზმი ჩვენთვის ცარიელი სიტყვები არ არის. Rock! Peace! Love!” – წერს განცხადებაში.

ჯგუფი პორნოფილმი” [Порнофильмы], საკუთარ ფეისბუქგვერდზე წერს, რომ ორგანიზატორებმა ჯგუფები მოატყუა, როცა 2 თვის წინ დაპირდა, რომ თავდაცვის სამინისტროს ფესტივალთან კავშირი არ ექნებოდა, “არანაირი მილიტარიზმის პროპაგანდა – ეს იყო ჩვენი მთავარი პირობა, რომ მიგვეღო მონაწილეობა ფესტივალში.“

ფესტივალი “ნაშესტვიე” რუსეთში 1999 წლიდან იმართება. 2015 წელს ამ ფესტივალში მონაწილეობაზე, ამავე მიზეზით თქვა უარი ცნობილი რუსული როკ-ჯგუფმა „მაშინა ვრემენი“ [Машина времени], ჯგუფის სოლისტმა ანდრეი მაკარევიჩმა თქვა, რომ იგი არ აპირებდა ტანკების ფონზე სიმღერას, ისე როგორც ეს გასულ წელს მოხდა. როგორც ერთ-ერთი რუსული გამოცემა tophit.ru წერდა, 2014 წელს ფესტივალის ორგანიზატორებმა ფესტივალის ტერიტორიაზე ტანკი გამოიყვანეს, ღია დახლებზე კი იყიდებოდა მაისურები სამხედროებისა და რუსეთის პრეზიდენტის გამოსახულებით, ბევრი სტუმარი მოვიდა პოსტერებით ყირიმისა და დონბასის მხარდასაჭერად” – წერდა tophit.ru.

ნეტგაზეთის მასალების სხვა გამოცემებში გადაბეჭდვის წესი
ავტორი
ია ფრანგიშვილი არის გაზეთ "ბათუმელების" რეპორტიორი 2014 წლიდან