Batumelebi | საპროტესტო აქცია – მძღოლები თურქეთის კონსულთან შეხვედრას ითხოვენ, კონსული შვებულებაშია საპროტესტო აქცია – მძღოლები თურქეთის კონსულთან შეხვედრას ითხოვენ, კონსული შვებულებაშია – Batumelebi

საპროტესტო აქცია – მძღოლები თურქეთის კონსულთან შეხვედრას ითხოვენ, კონსული შვებულებაშია

რამდენიმე ტურისტული სააგენტოს მძღოლი ამ წუთებში თურქეთის საკონსულოსთან აქციას მართავს. მათი თქმით, თურქეთის პოლიცია უსამართლოდ აჯარიმებთ, როცა საქართველოდან ტურისტები ერთდღიანი ტურით თურქეთში შეჰყავთ.

თურქეთის საკონსულოდან მძღოლებს ამ დრომდე არავინ შეხვედრია.

“გვეუბნებიან, რომ დოკუმენტში უნდა გვეწეროს ავტობუსი და არა მინივენი. 1500 ლირით გვაჯარიმებენ,” – აცხადებენ მძღოლები.

თურქეთის საკონსულოს წარმომადგენელმა მძღოლებს უთხრა, რომ კონსული შვებულებაშია და მოთხოვნა აქციის მომაწილეებმა საკონსულოს წერილობით უნდა მიაწოდონ.

საკონსულოსთვის წარმომადგენელს წერილის მიწერაზე აქციის მონაწილეებმა უარი უთხრეს. ისინი კონსულის თანაშემწესთან ითხოვენ შეხვედრას.

აქციის მონაწილეების თქმით, ისინი სარფის საბაჟოზე თურქულ ავტობუსებს გადაუკეტავენ გზას, თუკი საკონსულოს წარმომადგენლები მათ არ მოუსმენენ.

 

ნეტგაზეთის მასალების სხვა გამოცემებში გადაბეჭდვის წესი
ავტორი