ტურისტებისთვის საწოლების რაოდენობა ბათუმში 536-ით გაიზარდა


ბათუმში ტურისტებისთვის რეგისტრირებული საწოლების რაოდენობა წინა წელთან შედარებით 536-ით გაიზარდა. აჭარის ტურიზმის და კურორტების დეპარტამენტის ინფორმაციით, კვლევა ამ კუთხით წელს არ ჩატარებულა. დეპარტამენტმა 2018 წელს ბათუმში გახსნილი სასტუმროების შესახებ მოგვაწოდა ინფორმაცია.

დღევანდელი მონაცემებით, ბათუმში 8 ახალი სასტუმრო გაიხსნა. გასული წლის კვლევის მიხედვით კი, ბათუმში მდებარე სასტუმროებში სულ 13 261 საწოლი იყო, მთლიანად აჭარაში – 21 602.

აჭარის ტურიზმის დეპარტამენტში განმარტავენ, რომ წლევანდელი მონაცემი არაა სრული, „რადგან სეზონის განმავლობაში ბევრი პატარა განთავსების ობიექტი ემატება რეგიონს“, – გვითხრეს უწყების პრესსამსახურში.

რაც შეეხება აჭარას, ტურიზმის დეპრატამენტის ინფორმაციით, წელს მხოლოდ ერთი ახალი სასტუმრო დაემატა რეგიონს. ქობულეთში, სოფელ ციხისძირში მდებარე სასტუმროში 100 საწოლია.

სასტუმროებისა და სასტუმროს ტიპის რეგისტრირებული განთავსების ობიექტებიდან 277  ბათუმშია განთავსებული, 92 – ქობულეთში, 60 კი – აჭარის სხვა მუნიციპალიტეტებში.

მთავარ ფოტოზე: ჰოსტელი Green Door ბათუმში 

ამ თემაზე:

ოფიციალურად რეგისტრირებული 13 261 საწოლი ტურისტებისთვის ბათუმში

ნეტგაზეთის მასალების სხვა გამოცემებში გადაბეჭდვის წესი
ავტორი