ნეტგაზეთი • RU

გაფუჭებული კონდიცირების სისტემის გამო მგზავრები მატარებელს ქობულეთიდან არ უშვებდნენ

დღეს, 27 ივნისს, ბათუმი-თბილისის მატარებელი მგზავრებმა ქობულეთში შეაჩერეს. ამის მიზეზი მატარებელში გათიშული კონდიცირების სისტემა გახდა. მგზავრების თქმით, მატარებელში ბათუმიდან გასვლის შემდეგ გამოაცხადეს, რომ კონდიცირების სისტემა არ მუშაობდა, რამაც ხალხის აღშფოთება გამოიწვია. მატარებელში არ იღება ფანჯრები.

„ქობულეთში გავაჩერებინეთ და ველოდებით, ან გააკეთონ სისტემა, ან მოვიდეს სხვა მატარებელი. შეუძლებელია ასე მგზავრობა, თან, როგორც ჩანს, წინასწარ იცოდნენ, რომ მატარებელში კონდიცირების სისტემა იყო გაფუჭებული და არ თქვეს ამის შესახებ. ურეკამდე ვერ ჩავაღწევთ, ისეთი სიცხეა შიგნით.  რამდენიმე დღის წინ დაანონსდა, რომ გრილა მატარებელში და ქურთუკია საჭიროო და გავითვალისწინე. პერსონალს აყენებენ საფრთხის ქვეშ, ერთ-ერთმა თანამშრომრომელმა თქვა, რომ ამის შესახებ წინასწარ უნდა გაეფრთხილებინათ ხალხიო, ანუ იცოდნენ, რომ არ მუშაობდა კონდიცირება,“ – უთხრა „ბათუმელებს“ სალომე ცეცხლაძემ, რომელიც ამ მატარებლით მგზავრობს.

მოგვიანებით კონდიცირება ჩაირთო და მატარებელი დაიძრა, თუმცა მგზავრები ეჭვობენ, რომ კონდიცირების სისტემა შესაძლოა ისევ გამოვიდეს მწყობრიდან.

დღეს გარემოს დაცვის სააგენტომ დასავლეთ საქართველოში ჰაერის მაღალი ტემპერატურის შესახებ გააკეთა განცხადება. 

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com