მტირალას ეროვნული პარკისკენ მიმავალი ცენტრალური გზის რეაბილიტაცია მიმდინარეობს. პარკის ადმინისტრაციის ინფრასტრუქტურული განყოფილების უფროსის, ფრიდონ შერვაშიძის ინფორმაციით, გრუნტის სამუშაოები უკვე დასრულებულია.
„საკმაოდ რთული სამუშაოები მიმდინარეობს, რადგან პროექტში ხიდების მშენებლობაც არის ჩასმული. მიუხედავად იმისა, რომ ბევრი ვიზიტორი გვყავს და გზაზე მოძრაობა არ წყდება, სამუშაოები მაინც ინტენსიურად მიმდინარეობს,“-გვეუბნება ის.
აჭარის გზების დეპარტამენტის ხელმძღვანელის, არჩილ ჩიქოვანის ინფორმაციით, ეროვნულ პარკთან მისასვლელი გზის მშენებლობაზე ბიუჯეტიდან ერთი მილიონ 234,532 ლარია გამოყოფილი.
„უნდა გაკეთდეს 3,5 კილომეტრი კაპიტალურად. ხელშეკრულების მიხედვით გზის მშენებლობა სექტემბერში უნდა დასრულდეს, თუმცა გზის მშენებლობა ვფიქრობთ, რომ ივლისის ბოლოსთვის დასრულდება, “- გვეუბნება ის.
მტირალას ეროვნულ პარკს 2018 წლის იანვრიდან დღემდე 19 ათასამდე ვიზიტორი ეწვია.
