მთავარი,სიახლეები

კიდევ ერთი რესტორანი პლაჟზე, ანბანის კოშკის მიმდებარედ

26.06.2018 • 2682
კიდევ ერთი რესტორანი პლაჟზე, ანბანის კოშკის მიმდებარედ

შპს „რესტამ“ ბათუმის პლაჟზე, ანბანის კოშკის მიმდებარედ, რესტორანი ააშენა რკინის კონსტრუქციითა და ე.წ. სენდვიჩპანელებით. რესტორანს საკმაოდ დიდი ფართობი უკავია. ერთ-ერთი მეპატრონის თქმით, კომპანიამ იჯარით აიღო ტერიტორია პრომინადიდან ზღვამდე. დაკავებული ტერიტორიის ნაწილზე რესტორანი ააშენა, ნაწილზე კი საპლაჟო ინფრასტრუქტურის გამართვას გეგმავს.

საჯარო რეესტრის მონაცემებით, კომპანიას პლაჟზე 1386 კვადრატული მეტრი ფართობი უზურფრუქტის წესით, მასზე კვებისა და გასართობი ობიექტის განთავსების პირობით, 2017 წელს გადასცეს.

კომპანიის ერთ-ერთი მეპატრონის, ნიკოლოზ ჯოჯუას თქმით, რესტორანი პლაჟზე ქართულ-უკრაინული ბიზნესია.

საჯარო რეესტრის მონაცემებით, შპს „რესტა“ 2016 წელს თავად ნიკოლოზ ჯოჯუამ დააფუძნა. ამ დროისთვის ჯოჯუა კომპანიის მხოლოდ 33 პროცენტს ფლობს, დარჩენილ წილებს კი უკრაინის ორი მოქალაქე ინაწილებს.

 

 

გადაბეჭდვის წესი


ასევე: