მთავარი,სიახლეები

ფრანების შოუ, მუსიკა და თამაშები ბავშვებისთვის – რა იგეგმება 3 ივნისს ტურისტული სეზონის გახსნაზე

31.05.2018 • 3557
ფრანების შოუ, მუსიკა და თამაშები ბავშვებისთვის – რა იგეგმება 3 ივნისს ტურისტული სეზონის გახსნაზე

„ზაფხული იწყება აქ“ – 3 ივნისს, ამ სლოგანით ზაფხულის ტურისტული სეზონი ოფიციალურად გაიხსნება ანბანის კოშკის მოპირდაპირედ ზღვის სანაპიროზე.

ფესტივალის განმავლობაში იგეგმება 20-მდე სხვადასხვა აქტივობა, მათ შორის ფრანების შოუ, პლაჟის ფრენბურთი, დღის ფერადი ფეიერვერკი, სხვადასხვა გასართობი თამაშები ბავშვებისთვის და ცეცხლოვანი შოუ.

დღის განმავლობაში ტერიტორიაზე დაუკრავს დიჯეი ბერლინიდან The Drifter, ასევე დაუკრავენ ქართველი დიჯეები: ლაშა გურული, „Chiki“, გაბუნია, Vako T, ასევე ბენდები: bedford falls-ი და Groove Phoenix-ი იზრუნებენ. საღამოს პროგრამას კი გახსნის გერმანული საცეკვაო დასი „Friedrichstadt Ballett”-ი საკარნავალე შოუთი.

პლაჟზე იმუშავებს ღია კაფე-ბარები, სადაც სასმელების, ნაყინის, ხილის და კერძების შეკვეთა სპეციალურ ფასად იქნება შესაძლებელი.  სტუმრებს სპორტულ-გასართობ ღონისძიებებში მონაწილეობა უფასოდ შეეძლებათ. ფესტივალი ფეიერვერკით დასრულდება.

მთავარ ფოტოზე: ქარისა და ფრანების ფესტივალი ვილია-დე-ლეივაში.

გადაბეჭდვის წესი


ასევე: