ფინანსთა სამინისტროს შემოსავლების სამსახურის ინფორმაციით, 22 მაისს „სარფის“ საბაჟო-გამშვებ პუნქტში ფინანსთა სამინისტროს შემოსავლების სამსახურის მებაჟე-ოფიცრებმა ქვეყანაში ოქროს ნაკეთობების კანონდარღვევით შემოტანის ფაქტი გამოავლინეს.
„კერძოდ, რუსეთის მოქალაქეს, ზ.კ-ს ფიზიკური დათვალიერების შედეგად, 5 993.08 ლარის ღირებულების 101.32 გრამი არადეკლარირებული ოქროს ნაკეთობები აღმოაჩნდა.
საქართველოს საგადასახადო კოდექსის 289-ე მუხლის მე-10 ნაწილის მიხედვით, კანონდამრღვევ მოქალაქეს, სანქციის სახით, ფულადი ჯარიმა, 5,993.08 ლარის ოდენობით შეეფარდა,“ – აღნიშნულია შემოსავლების სამსახურის განცხადებაში.
