ბათუმში პოლიციამ აქციის სამი მონაწილე დააკავა [ფოტო, ვიდეო]

მემედ აბაშიძის ქუჩაზე მსვლელობის დროს, პოლიციამ საპროტესტო აქციის სამი მონაწილე დააკავა. ესენი არიან მარიამ ბეჟანიშვილი, კობა სურმანიძე და გიორგი ბოლქვაძე. აქციის მონაწილეები პოლიციის მისამართით სკანდირებენ – „მოძალადეები“.

„სისტემა უნდა დაინგრეს“, „სიჩუმე დანაშაულია“, – გაიძახიან საპროტესტო აქციის მონაწილეები. ასევე ისმის შეძახილები: „ძირს მოძალადე პოლიცია“.

„ბათუმელების“ პირდაპირ ჩართვაში ჩანს როგორ აკავებენ აქციის მონაწილეებს:

საპროტესტო აქცია „ევროპის მოედანზე“ რამდენიმე წუთის წინ დაიწყო, ახალგაზრდების ნაწილი გუშინ თბილისში, კლუბ „ბასიანში“ სპეცრაზმის შეჭრას და ახალგაზრდებზე ძალადობის ფაქტს აპროტესტებდა.

დაკავება ბათუმში. კადრი „ბათუმელების“ პირდაპირი ჩართვიდან

დაკავება ბათუმში. კადრი „ბათუმელების“ პირდაპირი ჩართვიდან

დაკავება ბათუმში. კადრი „ბათუმელების“ პირდაპირი ჩართვიდან

აქციაზე მობილიზებული იყო საპატრულო პოლიცია.  დაკავებულთა ზუსტ რაოდენობას შსს-ში ადგენენ. აქციის მონაწილეები აჭარის პოლიციის დეპარტამენტის ადმინისტრაციული შენობისკენ მიდიან.

ამავე თემაზე:

https://batumelebi.netgazeti.ge/news/135388/