ხულოელები ბათუმში საპროტესტო მსვლელობას აანონსებენ.
პროევროპული მსვლელობა 26 იანვარს, კვირას, 18 საათზე დაიწყება. შეკრების ადგილი ბათუმის სახელმწიფო უნივერსიტეტია, ბულვარის მხრიდან.
“მსვლელობით უნივერსიტეტიდან “ბათუმელების” ოფისთან გადავინაცვლებთ რეჟიმის პატიმრის, მზია ამაღლობელის მხარდასაჭერად, საბოლოოდ კი საკონსტიტუციო სასამართლოსთან მივალთ, სადაც უკვე ორი თვეა უწყვეტად მიმდინარეობს საპროტესტო აქცია.
მსვლელობის მონაწილეები ვუერთდებით ქართველი ხალხის მოთხოვნებს:
საქართველოში ჩატარდეს ხელახალი, სამართლიანი საპარლამენტო არჩევნები;
გათავისუფლდნენ რეჟიმის ტყვეები.
ხულოელებო, წამოიყვანეთ ოჯახის ყველა წევრი: ბებიები, ბაბუები, მშობლები, შვილები, და-ძმები და სხვა.
თავისუფლება მთებშია! ძალა ერთობაშია! საქართველოს ადგილი ევროპაშია!”, – ვკითხულობთ ღონისძიების აღწერაში ფეისბუქზე.
