საქართველოს პრემიერ-მინისტრმა ირაკლი ღარიბაშვილმა ბათუმში რკინიგზის ახალი სადგური გახსნა. მისი თქმით, ინვესტირება საპარტნიორო ფონდმა და საქართველოს რკინიგზამ ერთობლივად განახორციელეს.
“ეს არის ძალიან მნიშვნელოვანი პროექტი ბათუმისთვის. ბათუმს უბრუნდება რკინიგზა, რაც ვიზიტორებისთვის, დამსვენებლებისთვის და ადგილობრივებისთვის ძალიან მნიშვნელოვანია. ამ შენობის გახსნის შემდეგ ადამიანებს საშუალება მიეცემათ, რომ მახინჯაურის ნაცვლად პირდაპირ ბათუმში ჩამოვიდნენ. ფასები იგივე იქნება, არაფერი შეიცვლება”, – განაცხადა ღარიბაშვილმა.
ბათუმის ახალი სადგური ზღვის სანაპიროსთან ახლოს, თამარ მეფის გზატკეცილზე მდებარეობს. უკვე მოწყობილი ამგზავრთა დარბაზები და სალაროები, ხვალიდან უკვე ბათუმი სმიმართულებით ნებისმიერი მატარებელი ამ სადგურში გაჩერდება.
რკინიგზის სადგურში ასევე განთავსებულია ბიზნეს ობიექტები.
კომპანია “ბათუმი ცენტრალმა” აჭარის ფინანსთან და ეკონომიკის სამინისტროსგან ტერიტორია აუქციონის გზით შეიძინა და შენობის ,შენებლობისთვის 8 მილიონი ლარი დახარჯა. მთავრობის ინფორმაციით, სარკინიგზო ინფრასტრუქტურის მოსაწყობად კი “საქართველოს რკინიგზამ” 3 მილიონი ლარი დახარჯა.
