ბათუმის საკრებულოში დღეს გამართულ ბიუროს სხდომაზე ბიუროს წევრებმა მიიღეს გადაწყვეტილება საკრებულოში ორი ფრაქციის – „ქართული ოცნება – დემოკრატიული საქართველოსა“ და „ერთიანი ნაციონალური მოძრაობის“ რეგისტრაციის შესახებ.
„ქართული ოცნება – დემოკრატიული საქართველოს“ ფრაქციას ნატალია ზოიძე უხელმძღვანელებს, ხოლო „ერთიანი ნაციონალური მოძრაობის“ ფრაქციის თავმჯდომარე მირდატ ქამადაძე იქნება.
საკრებულოს პრესსამსახურის ინფორმაციით, დღესვე სხდომაზე ბიუროს წევრებმა დაამტკიცეს 21 ნოემბრის საკრებულოს სხდომის დღის წესრიგი, რომლის თანახმადაც, ხვალინდელ სხდომაზე განხილულ იქნება საკრებულოს მუდმივმოქმედი კომისიების შემადგენლობების დამტკიცების საკითხი.
ბიუროს სხდომას ბათუმის საკრებულოს თავმჯდომარე, სულიკო თებიძე უძღვებოდა.
