ნეტგაზეთი • RU

ყველაფერი დაუბეგრავ მინიმუმზე

 

ვის შეუძლია ისარგებლოს დაუბეგრავი მინიმუმის დაბრუნების უფლებით? როგორ დავიბრუნოთ საარსებო მინიმუმი? ვის უნდა მიმართოთ, როცა დაუბეგრავი მინიმუმის დაბრუნებაზე უარს გეუბნებიან და როგორ იანგარიშება დასაბრუნებელი თანხა? ამ დროისთვის დაუბეგრავი მინიმუმის რეგისტრირებული დეკლარაციების რაოდენობამ 200 ათასს გადააჭარბა. დეკლარაციების შევსება 1 აპრილს დაიწყო და 30 სექტემბრამდე გაგრძელდება.

 

თუ თქვენ მიერ 2014 წელს მიღებული ხელფასი 1800-დან 6000 ლარამდეა, უფლება გაქვთ დაიბრუნოთ 360 ლარი, ხოლო თუ 1800 ლარამდეა, დაბრუნებას ექვემდებარება (მხოლოდ ხელფასის სახით მიღებული შემოსავლიდან) კონკრეტული თანხის 20 პროცენტი.

 

ამ მიზნით, 2015 წლის 1 აპრილიდან 2015 წლის 30 სექტემბრის ჩათვლით საშუალება გაქვთ შეავსოთ დეკლარაცია სახლიდან გაუსვლელად შემოსავლების სამსახურის ვებგვერდზე, ან მიბრძანდეთ აღნიშნული სამსახურის ოფისებში, ან მიმართოთ შემდეგ საბანკო დაწესებულებებს:

 

სს ბანკი „რესპუბლიკა“; სს „პრივატბანკი“; სს „თიბისი ბანკი“; სს „საქართველოს ბანკი“; სს „ლიბერთი ბანკი“; სს „ბაზისბანკი“; სს „ქართუ ბანკი“; სს „კორსტანდარტ ბანკი“; სს „ფინკა ბანკი საქართველო“; სილქ როუდ ბანკი; სს „ვითიბი ბანკი“.

 

დაუბეგრავი მინიმუმი მეორე წელია რაც მოქალაქეებს უბრუნდებათ, დაბრუნების წესი კი არ შეცვლილა. დაუბეგრავ მინიმუმთან დაკავშირებით ხშირად დასმული შეკითხვები და შესაბამისი პასუხები შეგიძლიათ ასევე იხილოთ შემოსავლების სამსახურის ვებგვერდზე.

 

 

 

ნეტგაზეთის მასალების სხვა გამოცემებში გადაბეჭდვის წესი
თედო ჯორბენაძე