ბათუმში, ასევე ბათუმიდან მუნიციპალური მიკროავტობუსები რამდენიმე მიმართულებით მოძრაობს. „ბათუმის ავტოტრანსპორტის“ ინფორმაციით, მარშრუტებზე მიკროავტობუსების გაშვება ეტაპობრივად მიმდინარეობს.
მიკროავტობუსები მხოლოდ მუნიციპალური ავტობუსების მოსაცდელებთან გააჩერებენ და მგზავრობის საფასურის გადახდა მხოლოდ უკონტაქტო პლასტიკური ბარათებით არის შესაძლებელი.
„ბათუმის ავტოტრანსპორტმა“ ამ დროისთვის ხელვაჩაურის მუნიციპალიტეტის სოფლების მიმართულებით გახსნილი სამარშრუტო ხაზების მარშრუტის ნომერი, მიმართულება და ტარიფები გამოაქვეყნა:
კირნათის ადმინისტრაციული ერთეული
N400 – მეტროს ავტოსადგური-კირნათი (შუშანეთი) – 1.00 ლ
N 401 – მეტროს ავტოსადგური-მარადიდი – 1.00 ლ
N 402 – მეტროს ავტოსადგური-სოფელი შუშანეთი (კირნათი) – 1.00 ლ
მაჭახელას ადმინისტრაციული ერთეული
N403 – მეტროს ავტოსადგური-სოფელი ზედა ჩხუტუნეთი – 1.60 ლ
N404 – მეტროს ავტოსადგური-სოფელი ჩიქუნეთი – 1.60 ლ
აჭარისწყლის ადმინისტრაციული ერთეული
N406 – მეტროს ავტოსადგური-კიბე – 1.00 ლ
N408 – მეტროს ავტოსადგური-ევგენიძეები – 1.00 ლ
შარაბიძეების ადმინისტრაციული ერთეული
N409 – მეტროს ავტოსადგური-ზედა ერგე (ეკალაური)–1.00 ლ
N410 – მეტროს ავტოსადგური-ზემო ჯოჭო – 1.00 ლ
N411 – მეტროს ავტოსადგური-ქვედა ჯოჭო – 1.00 ლ
N412 – მეტროს ავტოსადგური-ვარშალომიძეები – 0.70 ლ
N413 – მეტროს ავტოსადგური-ზანაქიძეები – 0.70 ლ
N414 – მეტროს ავტოსადგური-ზედა შარაბიძეები – 0.70 ლ
თხილნარის ადმინისტრაციული ერთეული
N416 – მეტროს ავტოსადგური-ზედა თხილნარი – 1.00 ლ
N417 – მეტროს ავტოსადგური-თხილნარის მეურნეობა – 1.00 ლ
N418 – მეტროს ავტოსადგური-სიმონეთი – 1.00 ლ
ჭარნალის ადმინისტრაციული ერთეული
N420 – მეტროს ავტოსადგური-ჭარნალი 0.60 ლარი
N422 – მეტროს ავტოსადგური-ჭარნალი (საგინაძეების დასახლება) – 1.00 ლარი
N423 – მეტროს ავტოსადგური-ახალსოფელი (ტეტემაძეების დასახლება) – 1.00 ლარი
ორთაბათუმის ადმინისტრაციული ერთეული
N424 – თბ. მოედანი-ორთაბათუმი – 0.50 ლ
N425 – თბ. მოედანი-კაპრეშუმი – 0.80 ლ
N426 – თბ. მოედანი-მასაურა – 0.80 ლ
N427 – თბ. მოედანი-ყოროლისთავი – 0.80 ლ
N431 – თბ. მოედანი-სამება (სალიბაური) – 0.60 ლ
N431 – თბ. მოედანი-სამება (ეკლესია) – 0.60 ლ
ახალშენის ადმინისტრაციული ერთეული
N432 – თბ. მოედანი-სოფელი ახალშენი მიქელაძეები – 0.60 ლ
N433 – თბ. მოედანი-სოფელი ზედა ახალშენი – 0.60 ლ
N434 – თბ. მოედანი-სოფელი სამება – 0.60 ლ
N435 – თბ. მოედანი-სოფელი სამება (II საჯარო სკოლის მიმართულება) – 0.60 ლ
N436 – თბ. მოედანი-სოფელი განახლება – 0.60 ლ
N438 – თბ. მოედანი-ჯიბინაური – 0.60 ლ
N439 – თბ. მოედანი-ახალშენი (დასახლება გორა) – 0.60 ლ
მახინჯაურის ადმინისტრაციული ერთეული
N443 – თბ. მოედანი-ქვედა განთიადი – 0.50 ლ
N444 – თბ. მოედანი-მახინჯაური (გოგირდის აბანო) – 0.50 ლ
N445 – თბ. მოედანი-ზედა განთიადი – 0.50 ლ
N446 – თბ. მოედანი-შუა მახინჯაური – 0.50 ლ
უშუალოდ ბათუმის ტერიტორიაზე N20 – ბათუმი-გონიოს / ახალ ხაზზე მიკროავტობუსები შემდეგი მარშრუტით მოძრაობენ: თბილისის მოედანი-ჭავჭავაძის ქუჩა-აბუსერიძის ქუჩა-აეროპორტის გზატკეცილი-აფსაროსის ქუჩა-კანანელის ქუჩა [გონიო]. უკუმიმართულება იგივე.
ბათუმი-გონიოს ხაზზე მგზავრობის სტანდარტული ტარიფი 50 თეთრია და ძალაში რჩება ყველა ის საშეღავათო პროგრამა, რომლებიც მუნიციპალურ ავტობუსებში მოქმედებს. თუმცა, არცერთი მიკროავტობუსი არ არის ადაპტირებული.
მუნიციპალური მიკროავტობუსები 07:00-დან 23:00 სთ-მდე იმოძრავებენ.
100 ახალ მიკროავტობუსში ბათუმი 15,9 მილიონ ლარს გადაიხდის – ავტობუსების შემოტანა მიმდინარე წლის ივლისში დაიწყო.
„განახლებული ავტოპარკის პირობებში, იხსნება 5 ქალაქის და 46 საგარეუბნო მარშრუტი, რომლებიც ბათუმისა და ხელვაჩაურის მუნიციპალიტეტის 64 სოფლის მოსახლეობას მოემსახურება.“ – განაცხადეს მიკროავტობუსების პრეზენტაციაზე. მოქალაქეები კი არაერთი ახალი მუნიციპალური სამარშრუტო ხაზისა თუ არსებულ ხაზებზე ტრანსპორტის დამატებას ითხოვენ.
100 მიკროავტობუსიდან ზემოთ აღნიშნულ ხაზებზე ამ დროისთვის დაახლოებით 50 მოძრაობს. ახალი ხაზები, მათ შორის, უშუალოდ ბათუმის ტერიტორიაზე, სავარაუდოდ მომავალი კვირიდან დაემატება.
ბათუმს 25 ახალი M3 კატეგორიის EURO 5-ის სტანდარტის 12-მეტრიანი ავტობუსებიც დაემატება.
შესყიდვების პორტალის მიხედვით, ამ დროისთვის მიმდინარეობს ხელშეკრულების გაფორმება კონსოლიდირებულ ტენდერში გამარჯვებულ თურქულ კომპანიასთან – otokar otomotiv ve savunma sanayi anonim sirketi, რომელიც ერთი ავტობუსის მიწოდებას 673 191 ლარად სთავაზობს.
ამ თემაზე:
ბათუმი ახალ 25 საქალაქო ავტობუსში 16 მილიონ ლარს გადაიხდის
მთავარი ფოტო: „ბათუმელების“ არქივიდან
