ხვიჩა კიკალიშვილი
ხელვაჩაურის რაიონულ სასამართლოს თავმჯდომარედ ხვიჩა კიკალიშვილი დაინიშნა. მანამდე ხვიჩა კიკალიშვილი ბათუმის საქალაქო სასამართლოში მუშაობდა მოსამართლედ. 50 წლის ხვიჩა კიკალიშვილი დაიბადა დედოფლისწყაროში. ის წლების განმავლობაში მუშაობდა პროკურატურის სისტემაში. პირველად მოსამართლის უფლებამოსილების შესრულებას 2006 წელს შეუდგა, სიღნაღის რაიონულ სასამართლოში.
ხელვაჩაურის რაონულ სასამართლოში ასევე მოსამართლედ გაამწესეს ნუგზარ მგელაძეც. 2005-2010 წლებში ნუგზარ მგელაძე რეზერვის მოსამართლედ ირიცხებოდა, პარალელურად კი საადვოკატო საქმიანობას ეწეოდა. 53 წლის ნუგზარ მგელაძე ხულოს მუნიციპალიტეტში დაიბადა. ის არის საქართველოს ტერიტორიული მთლიანობის ბრძოლის მონაწილე, ომისა და სამხედრო ძალების ვეტერანი.
