ქედის მუნიციპალიტეტის საკრებულოს დღევანდელი სხდომის გადაწყვეტილებით, ქედის მუნიციპალიტეტის სპორტულ მოედანს არჩილ ფარტენაძის სახელი მიენიჭა. არჩილ ფარტენაძე ოთხი დღის წინ მოულოდნელად გარდაიცვალა.
ქედის საფეხბურთო კლუბ ,,ბეთლემის” კაპიტნი 28 წლის არჩილ ფარტენაძე შაბათს, 4 აპრილს, ვარჯიშის დროს გარდაიცვალა. “ბეთლემის ” ნახევარმცველი და კაპიტანი 2004-2008 წლებში ბათუმის “დინამოს ” ღირსებას იცავდა. 2013 წლიდან არჩილ ფარტენაძე ქედის “ბეთლემში ” თამაშობდა.
როგორც ბეთლემის მწვრთნელმა განაცხადა, არჩილ ფარტენაძეს გული ვარჯიშის დროს გაუჩერდა. მიუხედავად იმისა, რომ ის ოპერატიულად გადაიყვანეს საავადმყოფოში მისი გადარჩენა ვერ მოხერხდა.
