Batumelebi | შუაღელეს საჯარო სკოლას გმირის – ზვიად დავითაძის სახელი მიენიჭა შუაღელეს საჯარო სკოლას გმირის – ზვიად დავითაძის სახელი მიენიჭა – Batumelebi
RU | GE  

შუაღელეს საჯარო სკოლას გმირის – ზვიად დავითაძის სახელი მიენიჭა

 

დღეს, შუაღელეს არასრულ საჯარო სკოლას, გმირის ზვიად დავითაძის სახელი მიენიჭა. 33 წლის უმცროსი სერჟანტი გასული წლის 13 მაისს ავღანეთში, ჰელმანდის პროვინციაში, მეამბოხეთა მიერ 42-ე ბატალიონის ბაზაზე განხორციელებული იერიშის შედეგად დაიღუპა.

 

ზვიად დავითაძე საქართველოს შეიარაღებული ძალების IV ქვეითი ბრიგადის 42-ე მსუბუქ ქვეით ბატალიონში 2005 წლიდან მსახურობდა. დაღუპული ქართველი სამხედრო ვახტანგ გორგასლის პირველი ხარისხის ორდენზეა წარდგენილი. 


მშობლიურ სკოლაში ზვიად დავითაძის ხსოვნისადმი მიძღვნილი ღონისძიება გაიმართა, რომელსაც  მუნიციპალიტეტის ხელმძღვანელობა, აჭარის განათლების, კულტურისა და სპორტის მინისტრი, ოჯახის წევრები და ახლობლები ესწრებოდნენ.


დღესვე სოფელ ციხისძირში ავღანეთის სამშვიდობო მისიაში დაღუპული ჯარისკაცის მემორიალი გაიხსნა.

ნეტგაზეთის მასალების სხვა გამოცემებში გადაბეჭდვის წესი
" ბათუმელები"