აჭარის მთავრობის თავმჯდომარის ქონებრივი დეკლარაცია

ზურაბ პატარაძემ, როგორც აჭარის მთავრობის თავმჯდომარემ, ქონებრივი დეკლარაცია 2017 წელის 31 მაისს პირველად შეავსო. ქონებრივი დეკლარაციის მიხედვით, ზურაბ პატარაძე ფლობს ბინას [120 კვ.მ] ქობულეთში, აღმაშენებლის გამზირზე, რომელიც მემკვიდრეობით მიუღია და ბინას თბილისში, ჭავჭავაძის გამზირზე [158 კვ.მ] , რომელიც მას „საქართველოს ბანკიდან“ გამოტანილი სესხით შეუძენია.

პატარაძის ქონებრივ დეკლარაციაში კიდევ ერთი ბინის შესახებ ფიქსირდება ინფორმაცია. თბილისში, იოსებიძის ქუჩაზე ბინას ფლობს ასევე [110 კვ.მ] მთავრობის თავმჯდომარის მეუღლე სოფიო ბაკურიძე. ზურაბ პატარაძის ინფორმაციით, ეს ბინა სოფიოსთვის უჩუქებიათ.

ვინ აჩუქა მთავრობის თავმჯდომარის მეუღლეს ბინა თბილისში, ამის შესახებ ქონებრივ დეკლარაციაში მითითებული არ არის, საჯარო რეესტრის მონაცემებით კი, საჯარო რეესტრს ბინის სოფიო ბაკურიძისთვის დარეგისტრირების მოთხოვნოთ ზურაბ პატარაძემ მიმართა. ბინა 2013 წელსაა დარეგისტრირებული.

აჭარის მთავრობის თავმჯდომარედ ზურაბ პატარაძე 2016 წლის ივლისში დაინიშნა, ამ დროიდან 2016 წლის დეკემბრის ჩათვლით, ექვს თვეში, მისმა სახელფასო შემოსავალმა 31 993 ლარი შეადგინა.  2016 წლის იანვრიდან-ივლისამდე კი პატარაძეს, როგორც საქართველოს ელჩს ყაზახეთში,  19 398 ამერიკული დოლარი გამოუმუშავებია.

დეკლარაციის მიხედვით,  ზურაბ პატარაძე და მისი მეუღლე არ ფლობენ რაიმე სხვა სახის მნიშვნელოვან დანაზოგს და ფასიან ქაღალდებს და არ მონაწილეობენ სამეწარმეო საქმიანობაში.