საბჭოთა კვლევის ლაბორატორია [„სოვლაბი“] წერს, რომ უკანასკნელი კვირების განმავლობაში „ქართული ოცნება“ პროპაგანდისტულ კამპანიას აწარმოებს მათ წინააღმდეგ.
„ამის პარალელურად, ორგანიზაციის ვებრესურსები რუსეთის მხრიდან კოორდინირებული შეტევის სამიზნეა“.
სოვლაბის განცხადებით, მათი საზოგადოებრივი არქივის ვებგვერდის (archive.ge) სერვერზე მიმდინარეობს DDoS (distributed denial-of-service) შეტევები, რომლის მიზანია, დააზიანოს სერვერის გამართული მუშაობა.
„ბოლო დღეებია, შეტევის ინტენსივობა გეომეტრიული პროგრესიით იზრდება, განსაკუთრებით რუსეთიდან. საიტზე შესვლის მცდელობის ინტენსივობა დღეში 700 000-ს აჭარბებს. ორგანიზაციის ტექნიკური უზრუნველყოფის ჯგუფი ახერხებს შეტევის განეიტრალებას, თუმცა რიგ შემთხვევებში ვებგვერდი შეფერხებით ფუნქციონირებს.
DDoS (distributed denial-of-service) შეტევის დროს თავდამსხმელი გზავნის ათასობით ყალბ მოთხოვნას, რათა გადააჭარბოს სიჩქარეს, გადაავსოს სერვერის რესურსები და გადატვირთოს სისტემა. ამ შემთხვევაში მოქმედი მოთხოვნების დამუშავება ძალიან ნელდება ან საერთოდ არ მუშავდება“ – აცხადებს სოვლაბი.
პარლამენტის თავმჯდომარემ, შალვა პაპუაშვილმა „სოვლაბი“ ნეგატიურ კონტექსტში მოიხსენია მატრონას ხატთან დაკავშირებული განცხადებების დროს.
სოვლაბი საპატრიარქოს მოუწოდებს, გაიტანოს ხატი სტალინის გამოსახულებით სამებიდან
პაპუაშვილის თქმით, მატრონას ხატთან დაკავშირებული ისტერია „სოვლაბმა“ წამოიწყო.
ბოლოდროინდელი „ისტერია“ შობის წინ „სოვლაბმა“ და გიორგი კანდელაკმა წამოიწყესო – განაცხადა 21 იანვარს შალვა პაპუაშვილმა.
სოვლაბის სერვერებს რუსეთიდან უტევენ
