26 ოქტომბერს უკრაინამ შეაჩერა შავი ზღვის მარცვლეულის ახალი დერეფნის გამოყენება რუსული სამხედრო თვითმფრინავების საფრთხის გამო.
ამის შესახებ უკრაინული მედია წერს უკრაინის საზღვაო პორტების ადმინისტრაციაზე დაყრდნობით.
„25 ოქტომბრის საღამოს უკრაინის საზღვაო პორტების ადმინისტრაციამ გამოაქვეყნა შეტყობინება, რომ გემების მოძრაობა მარცვლეულის დერეფანში და მის გარეთ 2023 წლის 26 ოქტომბრიდან შეჩერდება“, – წერს მედია.
მედიის ცნობით გადაწყვეტილება მიღებულია საფრთხის გამო, რომელიც შეიქმნა რუსეთის საჰაერო აქტივობის გაზრდით.
შესაძლოა ახალ დერეფანში გემების მოძრაობის შეჩერება უფრო ხანგრძლივი აღმოჩნდეს.
ინფორმაციაში აღნიშნულია, რომ მარცვლეულის დერეფანში გემების შეჩერება ბაზარზე ფასების ზრდას გამოიწვევს.
_____________________
ამავე თემაზე:
შავ ზღვაში რუსეთის ბლოკადა გაარღვია სამმა გემმა და უკრაინაში შევიდა – „ფორბსი“
