აჭარის ტურიზმის დეპარტამენტის მონაცემებით, მიმდინარე წლის 7 თვეში [იანვარი-ივლისი] აჭარაში 539 038-მა საერთაშორისო ვიზიტორმა იმოგზაურა.
დეპარტამენტის მიერ მოწოდებული ინფორმაციის თანახმად, აჭარაში, სამივე საზღვრის კვეთის მონაცმებით [სახმელეთო, საზღვაო და საჰაერო] საერთაშორისო მოგზაურების მზარდი დინამიკა ფიქსირდება შემდეგი ქვეყნებიდან:
- ისრაელი +15%
- ლატვია +148%
- ყაზახეთი +107%
- არაბთა გაერთიანებული საამიროები +907%
- საუდის არაბეთი +107%
ივლისში, ბათუმის აეროპორტში 370 საერთაშორისო რეისი 12 ქვეყნიდან განხორციელდა. აგვისტოს განმავლობაში კი ბათუმის მიმართულებით 400 ფრენაა დაგეგმილი.
2022 წელს, აჭარაში 5 ახალი ავიაკომპანია შემოვიდა: Airbaltic (რიგა-ბათუმი (ლატვია)), Flydeal (რიადი, ჯედა – ბათუმი (საუდის არაბეთი)), Jordan Aviation (ამანი – ბათუმი (იოარდანია)), Aseman (თეირანი – ბათუმი (ირანი)) და Uzbekistan Airways ( ტაშკენტი – ბათუმი (უზბეკეთი)).
აჭარის ტურიზმისა და კურორტების დეპარტამენტის ინფორმაციით, გარდა ბათუმისა გაზრდილია მოთხოვნა ქობულეთი, გონიო, სარფი, კვარიათის მიმართულებითაც. ვარაუდობენ, რომ საკურორტო ზონებში მდებარე სასტუმროების დატვირთვა აგვისტოში არანაკლებ 90% იქნება.
