აჭარაში, 28 აპრილის მდგომარეობით, ბოლო 24 საათში კორონავირუსის 121 ახალი შემთხვევა დადასტურდა.
აჭარის ჯანდაცვის სამინისტროს ინფორმაციით, ბოლო 24 საათში აჭარაში კორონავირუსისგან გამოჯანმრთელდა 75 პაციენტი, რეგიონში დღემდე გამოჯანმრთელებულია 37 656 პაციენტი; კლინიკა დატოვა 21-მა პაციენტმა.
ამ ეტაპზე აჭარაში საავადმყოფოში მკურნალობს 373 პაციენტი, მძიმე პაციენტია 68, ხელოვნური სუნთქვის აპარატზე იმყოფება – 8, კოვიდსასტუმროებშია 324 პაციენტი.
აჭარაში დღევანდელი მდგომარეობით დახურულია 14 სკოლა, ონლაინზეა 35 კლასი.
აჭარაში ამ დროისთვის სულ 3596 ადამიანი არის აცრილი, აქედან ფაიზერით – 2244, ხოლო ასტრაზენეკათი – 1352.
28 აპრილის დილის მონაცემებით, საქართველოში ბოლო 24 საათში კორონავირუსით 17 ადამიანი გარდაიცვალა, დადასტურდა კოვიდის 1551 ახალი შემთხვევა.
—
საქართველოში ჩინეთში წარმოებული „სინოფარმის“ ვაქცინით ასაცრელად რეგისტრაცია 27 აპრილიდან დაიწყო 18 წელს გადაცილებული მოქალაქეებისთვის.
საქართველომ ჩინეთისგან COVID19-ის საწინააღმდეგო ვაქცინა „სინოფარმის“ 100 000 დოზა შეიძინა. იმავე რაოდენობის „სინოვაკის“ ვაქცინას კი ჩინეთის მთავრობა საქართველოს ჩუქნის.
https://netgazeti.ge/news/538837/
