24 დეკემბრიდან 2 იანვრამდე საქართველოში აღარ გაიხსნება ბაზრობები – მთავრობის ამ გადაწყვეტილების შესახებ დღეს, 22 დეკემბერს, ვიცე-პრემიერმა მაია ცქიტიშვილმა განაცხადა.
შესაბამისად, ბათუმში არ გაიხსნება ე.წ. „ხოფის“, „23-ე სკოლის ბაზრობა“ და ბაზრობა ავტოსადგურთან.
„24 დეკემბრიდან 2 იანვრის ჩათვლით, მიუხედავად იმისა, რომ ჩვენ შეზღუდვების შემსუბუქების ფარგლებში დაგეგმილი გვქონდა ბაზრობების საქმიანობის განახლება, ვხედავთ რა, რომ სამწუხაროდ, ვერ იქნება იქ დაცული და უზრუნველყოფილი ყველა ის წესი, რომელიც აუცილებელია ეპიდემიოლოგიური სტრანდარტების დაცვისთვის, ამიტომ ბაზრობების ფუნქციონირება ვერ იქნება დაშვებული.
ეს აკრძალვა ვრცელდება როგორც ღია სივრცეში ბაზრობებზე, ასევე ყველა იმ მაღაზიის საქმიანობაზე, რომელიც ფუნქციონირებს ბაზრობების ტერიტორიაზე.
მათ კვლავ ექნებათ საშუალება დისტანციური რეჟიმის ვაჭრობისა, ეს აკრძალვა არ ყოფილა დაწესებული არც ამ 2-თვიან პერიოდში. ისინი კვლავ მოემსახურებიან თავიანთ მომხმარებლებს დისტანციურად, მიტანის სერვისით,“- განაცხადა მაია ცქიტიშვილმა.
